Dans á rósum

Það er svo margt sem maður spyr sjálfan sig að þessa dagana. Stundum veit ég ekki hvort ég á að vera reið, áhyggjufull eða alveg sama. Sjaldnast er mér alveg sama, ég læt mig flest varða. En áhyggjufull eða reið.. það er svona í beggja bland.

Mér finnst ótrúlegt hvað fólk getur farið illa með sjálft sig. Á mörgu sviði. Hvort sem það er á sviði offitu, metnaðarleysis, drykkju, sóðaskapar eða bara vonleysis þá trúi ég varla hvað fólk getur borið mikla óvirðingu fyrir sjálfum sér.

Í flestum tilfellum getum við ekki hjálpað fólki sem ekki vill fá hjálp. Ég á erfitt að sætta mig við það, ég vil hjálpa svo allir geta verið glaðir og ánægðir. En ég fæ því slett framan í mig öðru hverju að sá heimur sem ég vil svo heitt lifa í er ekki til.

Ég fer ekki af þeirri skoðun minni að allt verður einsog við viljum að það verði. Við ákveðum hvernig við bregðumst við aðstæðum og það er okkar val hvernig líf okkar verður. Margir kunna ekki að bregðast við óvæntum aðstæðum og missa tökin. Til eru ótalmörg dæmi um það. En ef fólk er nógu meðvitað um sig sjálft þá er hægt að gera gott úr öllum hlutum.
Ekkert er svo með öllu illt að ekki boði nokkuð gott.

Ég er kannski einföld manneskja sem skil ekki hið flókna líf til hlítar. Ég skil ekki af hverju fólk gerir sér þetta. Ég skil ekki af hverju fólk getur ekki glaðst yfir litlu hlutunum. Ég skil ekki einu sinni af hverju fólk nennir aldrei með mér á gönguskíði !!

En vonandi mun sá dagur koma a lokum að ég get skilið þetta.. en kannski á sama tímapunkti mun ég átta mig almennilga á að lífið er ekki bara endalaus dans á rósum.

Ég mun samt dansa á rósum þangað til því það veitir mér gleði og ánægju.. og það er það sem ég vil.

Athugasemdir

[Kristín (IP-tala skráð) 8.5.2006 kl. 18:58]

Bara að prufa, nú ættu allir a geta kommentað.. og endilega notfærið ykkur það.. ;)

[Rut (IP-tala skráð) 8.5.2006 kl. 21:14]

Ok frábært ;)

Flott nýja síðan

[Rut (IP-tala skráð) 8.5.2006 kl. 21:15]

Ok frábært ;)

Flott nýja síðan